大豐日本料理

营业中

休息中

楼面无一个正常人，个个面口黑到好似含住旧屎开工咁，落单时候改一改其中一道菜即刻畀面色你睇，叫另一个加一加水，唔该前唔该后，都仲系丧礼家属面口咁对住你。食物质素正常，但楼面态度系灾难式赶客，呢间嘢仲生存到系香港饮食业嘅悲歌，真系为唱衰香港尽咗十二分努力。星期日夜晚想到屋企人开开心心出街食餐饭，估唔到撞着呢间嘢！点解要惩罚留港消费嘅香港人？咁样经营食肆，点怪得其他人放假北上消费？我唔系要日本式服务体验，但做到基本对人嘅尊重真系咁难？尊重吓自己份工，我先可以尊重到自己作为食客嘅责任，顺顺摊摊咁埋单㗎嘛。一句讲晒，无下次！