Blue Brick Bistro (已結業)

lunch hour 佢有幾款可以揀。 今次試左椰菜花，溫室菜苗陳年黑醋伴意大利飯。Set lunch 有沙律，湯，main course, 甜品同餐飲。 頭盤既吞拿魚我覺得有少少煮過龍，平時食到既呢種芝麻吞拿魚都係外面煎香少少，入面保持近似刺身既質地。但呢舊明顯煮到色都變埋，可能係廚師專登架啦，但我唔識欣賞。 反而係個餐湯有驚喜，好濃好多既蕃茄煮成，似糊仔多過似湯，唔會太酸但亦唔似落左好多蕃醬去調個甜味。 呢個係好味既。 main course 個risotto 賣相普通感覺份量偏少，睇落都好多汁好creamy 既。 點知食落就中伏喇！硬架喎？！本身屋企都食開雜谷，肯定唔係我食慣爛飯所致。但又公平啲講，個汁係唔錯既，以咁多汁黎講可以做到個感覺咁light 係叻既，不過就無溫室菜苗，唔知去左邊🙈一行人有幾個都係叫左呢個飯，大家都覺得硬，然後開始懷疑佢煮得好唔熟。大概食左2/3 啖覺得無理由照食所以就搵左個侍應同佢講。佢拎走左入完廚房之後同我地講師傅都話今日煮得生左，叫我地可以揀第個。 時間關係等唔起就無再揀，而佢亦都無再整熟啲個risotto 俾我。 甜品係好出名既蛋糕，用既係鮮忌廉，