花園餐廳 (已結業)

返工返左半日，终于等到食午饭，一大班人一齐出去食饭，最烦脑就系仲有边间餐厅有位坐，最后决定去花园餐厅，之前食过都通常仲有位，加上餐厅够大间，坐位多，适合一大班人。午餐今日选择黑椒鸡扒＋汉堡肉跟意粉，首先即来个餐包，同埋罗宋汤，餐包有加热番叮，所以配汤都唔差，罗宋汤好足料，又够热，不过就差左啲辣味主菜鸡扒煎得几香，鸡皮有少少脆，而肉仲系嬾滑，配上黑椒汁变得食落唔会大干身，同埋意粉本身都无乜味，都要黑椒汁捞埋来食，先会较好食，另外块汉堡肉就无乜特别，最后饮埋杯咖啡。见到隔离枱食铁板餐，份量都几多，加上铁板热辣辣，好吸引，下次要试下