鄭​師姐泰式素食私房菜 (已搬遷) 新店位置

郑师姐系一间无五辛嘅泰式素食私房菜，2位起。每样菜式都好好食，尤其钟意沙爹串烧同菠萝炒饭。位置方便，系K11 Art Mall对面。私房菜 (每位$180/ 图为3人份量)冬荫功汤水果沙律沙爹串烧素叉烧喇沙檬粉生菜包炸杂菜菠萝炒饭芒果糯米饭是日糖水 沙爹串烧嘅酱好惹味，有椰汁嘅香味，素肉似系用冬菇蒂整成，食到一丝丝嘅口感。菠萝炒饭嘅饭粒粒分明，好香菠萝味。生菜包嘅馅料主要有素肉同芫茜，味道酸辣。我哋食哂生菜仲有部分馅料剩，店员好好可以帮我哋添生菜。喇沙檬粉嘅汤底好香浓嘅椰汁味，唔系好辣，配料有冬瓜、鸡脾菇、豆卜等。冬荫功汤嘅汤底清澈，味道偏辣带有新鲜蕃茄嘅酸味，配料有椰菜花、蕃茄、粟米仔、香叶等。是日糖水系椰汁西米南瓜，南瓜煮到溶哂，只见到一丝丝嘅南瓜肉。芒果糯米饭几好食，一D都唔腻，糯米饭铺得薄身，有淡淡嘅椰汁味。