影片
更多
2020-05-20
524 浏览
若干年前，食Pizza Hut系等位等到痴线嘅，不过近年好似转营做外卖多，堂食亦好多都变左半自助模式，餐厅等位已大不如前般墟冚。是晚本来是打算食寿司嘅，但对方等位人数远远超出上限，已停止派飞，算了，过对面食Pizza Hut也可以。不用等位即刻就坐，分配了一张自闭座位，面对墙壁食，某程度上可以话好私隐嘅。看了看餐牌，新出的pizza不太吸引，点个普通的二人餐就好了，有薄饼，有粉面，饮品同餐汤，都几抵食㖞。餐饮除左汽水同柠茶外，仲有两款特饮不用加钱的，贪新鲜就试下佢地，青柠魅力（左）同红莓梦幻（右）。自己拣左青柠呢杯，充其量就系柠七，酸酸甜甜正常嘅味啦～朋友拣红莓……其实几伏，笑左，激甜嘅药水味，唔好乱试红色饮品系列。餐汤拣左忌廉汤，好杰身，有少少蘑菇碎同粟米粒，味道都几好，但个人钟意金宝汤个种高钠口味多啲。朋友加左酥皮，撘晒落黎唔系胀卜卜嘅？酥皮几重牛油够香口，饿肚之选。pizza要左至尊，大众口味实无衰，烘起热辣辣，上枱时都好香㗎。厚批真系几厚㖞，好耐无食咁厚嘅薄饼，西餐厅多以薄饼底为主，厚批好似系香港特式黎？仲加左做芝心批，芝士控表示满意，好多芝士好正，烤得脆口馅料又多，有惊喜㖞。
是晚本来是打算食寿司嘅，但对方等位人数远远超出上限，已停止派飞，算了，过对面食Pizza Hut也可以。不用等位即刻就坐，分配了一张自闭座位，面对墙壁食，某程度上可以话好私隐嘅。
看了看餐牌，新出的pizza不太吸引，点个普通的二人餐就好了，有薄饼，有粉面，饮品同餐汤，都几抵食㖞。
餐饮除左汽水同柠茶外，仲有两款特饮不用加钱的，贪新鲜就试下佢地，青柠魅力（左）同红莓梦幻（右）。自己拣左青柠呢杯，充其量就系柠七，酸酸甜甜正常嘅味啦～朋友拣红莓……其实几伏，笑左，激甜嘅药水味，唔好乱试红色饮品系列。
餐汤拣左忌廉汤，好杰身，有少少蘑菇碎同粟米粒，味道都几好，但个人钟意金宝汤个种高钠口味多啲。
朋友加左酥皮，撘晒落黎唔系胀卜卜嘅？酥皮几重牛油够香口，饿肚之选。
pizza要左至尊，大众口味实无衰，烘起热辣辣，上枱时都好香㗎。
厚批真系几厚㖞，好耐无食咁厚嘅薄饼，西餐厅多以薄饼底为主，厚批好似系香港特式黎？
仲加左做芝心批，芝士控表示满意，好多芝士好正，烤得脆口馅料又多，有惊喜㖞。
小食？拣左葡汁焗蔬菜，一大堆西兰花，红萝卜，青瓜等，唔太钟意个葡汁，甜甜地有啲怪，撇开啲汁净系食啲蔬菜，哈哈。
最后仲有菠菜蘑菇长通粉，菠菜同蘑菇片都好多，正，长通粉有咬口，唯独个白汁淡左啲，要加辣椒仔调调味。三百几蚊两个人ok啦，正常价位。
张贴
