BLT Burger (已結業)

经过海港城谂唔到食咩，就食番呢间之前食过觉得唔错既BLT Burger。4个人嗌咗3个澳洲和牛汉堡combo，上枱个包都ok，和牛口感不错，但牛香唔够突出，油份、肉汁一般。烟肉太干身，难以下咽。至于配菜炸粗薯、薯格超失望阿！上枱唔热又唔脆，当然唔香添啦。讲真，二百几蚊我觉得唔值。朋友叫咗个黑椒蘑菇汉堡，试咗啖，都系同样问题啦，黑椒味唔香，牛味唔够突出，肉质松散，食落唔太有口感。反而最普通既Caesar salad最好食，新鲜爽脆，完。