影片
更多
2020-01-20
993 浏览
因为唔食得辣，所以我一直都无试过伤心酸辣粉🤣。不过之前经过桂林街分店，见到有个下午茶餐好抵，就已经bookmark咗一定要试！我都估唔到自己一试就连续食咗两日🙈。下午茶两点钟就开始，所以可以买外卖返去当lunch食。一入去就系收银柜，直接喺𠮶到畀钱落单，但我想讲两日唔同嘅女店员态度都差到一个点，一个好似唔识讲嘢咁；另一个就自己无问清楚，要重新落过就黑我面😤。我买外卖就算啦唉。落完单即刻整，所以都要等一阵先有拎得。我嗌嘅下午茶餐超级抵，$29有一碗面同一款小食，送热饮。外卖盒🥡每个要加$1，由于面同小食分开上，所以加咗$2。如果可以嘅话，堂食抵啲同环保啲。题外话，个外卖pack得几好哈哈。我第一日要咗🐔盐焗手撕鸡准山面，依个一打开就已经闻到超香！手撕鸡份量唔算多，比较碎，但味道都唔错。至于准山面，我系第一次食，一直以为味道会怪怪的、药材咁嘅味，而口感就粉粉地。点知同我想像中完全唔同😂，原来准山面系咁爽的，而且无乜准山味，我立刻爱上咗，因为好挂汤，好好食🤤。汤底好香麻油味，唔辣的，下午茶好似无得拣辣。题外话，碗面好多芫荽同葱🙅🏻♀️。小食方面，有几款选择，样样都几吸引，我要咗炸墨鱼饼🦑，配
因为唔食得辣，所以我一直都无试过伤心酸辣粉🤣。不过之前经过桂林街分店，见到有个下午茶餐好抵，就已经bookmark咗一定要试！我都估唔到自己一试就连续食咗两日🙈。
下午茶两点钟就开始，所以可以买外卖返去当lunch食。一入去就系收银柜，直接喺𠮶到畀钱落单，但我想讲两日唔同嘅女店员态度都差到一个点，一个好似唔识讲嘢咁；另一个就自己无问清楚，要重新落过就黑我面😤。我买外卖就算啦唉。落完单即刻整，所以都要等一阵先有拎得。
我嗌嘅下午茶餐超级抵，$29有一碗面同一款小食，送热饮。外卖盒🥡每个要加$1，由于面同小食分开上，所以加咗$2。如果可以嘅话，堂食抵啲同环保啲。题外话，个外卖pack得几好哈哈。
盐焗手撕鸡准山面
$29
54 浏览
0 赞好
0 留言
我第一日要咗🐔盐焗手撕鸡准山面，依个一打开就已经闻到超香！手撕鸡份量唔算多，比较碎，但味道都唔错。至于准山面，我系第一次食，一直以为味道会怪怪的、药材咁嘅味，而口感就粉粉地。点知同我想像中完全唔同😂，原来准山面系咁爽的，而且无乜准山味，我立刻爱上咗，因为好挂汤，好好食🤤。汤底好香麻油味，唔辣的，下午茶好似无得拣辣。题外话，碗面好多芫荽同葱🙅🏻♀️。
炸墨鱼饼
40 浏览
0 赞好
0 留言
小食方面，有几款选择，样样都几吸引，我要咗炸墨鱼饼🦑，配上泰式酸辣酱。估唔到下午茶送嘅小食，有成三块咁多！再者，就系个墨鱼饼超级好食😋，劲弹牙，好高质，唔系平日无嚟味道𠮶种。不过外卖嘅关系，啲酱直接放埋一齐，有啲过多。由于墨鱼饼太好食，所以第二日再食咗，无试到第款。
肥牛拼麻辣牛丸汤薯粉
$29
36 浏览
0 赞好
0 留言
我第二日要咗🐮肥牛拼麻辣牛丸汤薯粉，𩠌嘅份量劲多，肥牛有四片，牛丸有三粒，仲未计小食𠮶三块墨鱼饼！牛丸食得多，麻辣味就第一次食，估唔到麻辣味无欺场，都几麻同几辣🌶，好惹味，而且牛丸本身都几弹牙。薯粉同平日食开嘅唔同，好粗身，食落比较方便，口感偏淋，但都ok，主要系唔韧咁解。
总括嚟讲，依个下午茶餐性价比真系满分💯，我呢两日食嘅面同墨鱼饼都好好食，份量亦无因为系下午茶餐而变得迷你。下午茶餐以外嘅定价其实好似都几抵👍。餐厅环境正常，几多座位，望落都好似算干净。唯一要改善下就系店员啲态度啰。
张贴
