龍門一番川滬·紫砂燉湯 (已結業)

🥗凉菜自选组合4款 $138🍆凉伴茄子塔：有少少辣，茄子好入味，正常发挥。🐷蒜泥白肉：够薄，底下仲有粉皮。🦐醉翁虾：好够酒味，闻到都醉，虾肉爽口弹牙，大小适中。🥬温室莲藕苗拌猫耳朵 ：呢个真系想像唔到，嚟到系一条好迷你嘅莲藕，好得意，有啲啲辣，两个蔬菜都好爽脆，好夹。🥢上汤小笼包 $40先咬一小口，见到入面好多汤汁，唔怕热可以一啖食，汤汁馅皮系口中混合，味道不错。🐟糖醋鱼块 $78酸酸甜甜，鱼块冇骨，啖啖肉，送饭一流。🐷梅菜扣肉 配 蝴蝶饼 $98梅菜扣肉每块都好薄，好淋，入口即化，汁浓味所以配蝴蝶饼非常好，将梅菜扣肉放系蝴蝶饼中，加啲汁，一浓一淡，蝴蝶饼又松软，好味😋。🥣花旗参石斛螺头炖云吞鸡汤 $68炖汤清香，花旗参清热，石斛养阴，螺头滋阴，啱晒。汤入面有两粒大云吞，有只鸡脾，两个人饮都好够。