影片
更多
2019-07-20
2928 浏览
又到假日，一家大细出动饮茶嘅好日子。大荣华都系我哋经常去嘅茶楼，身在食肆林立嘅黄金地段，的确系好幸福嘅事情，除咗有好多连锁餐厅选择以外，好多默默耕耘嘅食店更系街坊邻居嘅聚脚点。大荣华之前装修过，大家都知佢嘅大东主本身就系一个食家，所以对食好有追求，我哋可以喺到长期帮衬亦少不了佢嘅一番好心机。楼下有荣华嘅包装嘢卖，仲有得买烧味，老实讲，如果同隔离间x兴相提并论，呢边嘅烧味确实争少少，不过都算系中上水准。而大荣华都好进取，由酒牌可见，贵价酒都唔少，相信配菜方面都相对改进咗好多。不过，对于我哋呢班街坊客来讲，晚餐比较少上来用膳，多数都系假期同老人家上来饮下早茶或者下午茶，慢慢叹返个零两个钟咁，已经系集体美好回忆。而除咗平时嘅点心之外，老友记都钟意整返啲炒粉面，呢味豉油皇炒肠粉唔会太油腻，份量亦可观，连怕油嘅婆婆都系佢fans。女士来讲，食猪脚姜绝不陌生。呢到嘅猪脚姜材料充足，味道好正，小女每次都系最后享用精华嘅一员，啲汁唔会太甜，又唔会太酸，好好饮，学妈咪话斋“仲好补㗎！”咖喱鲜鱿劲正，每次一出就就好快被扫清，唔会太辣，啲肉质好爽口弹牙，成家中宠幸儿嘅我总系可以食到最矝贵嘅鱿鱼须。仲有好多即
大荣华都系我哋经常去嘅茶楼，身在食肆林立嘅黄金地段，的确系好幸福嘅事情，除咗有好多连锁餐厅选择以外，好多默默耕耘嘅食店更系街坊邻居嘅聚脚点。
大荣华之前装修过，大家都知佢嘅大东主本身就系一个食家，所以对食好有追求，我哋可以喺到长期帮衬亦少不了佢嘅一番好心机。
楼下有荣华嘅包装嘢卖，仲有得买烧味，老实讲，如果同隔离间x兴相提并论，呢边嘅烧味确实争少少，不过都算系中上水准。
而大荣华都好进取，由酒牌可见，贵价酒都唔少，相信配菜方面都相对改进咗好多。
不过，对于我哋呢班街坊客来讲，晚餐比较少上来用膳，多数都系假期同老人家上来饮下早茶或者下午茶，慢慢叹返个零两个钟咁，已经系集体美好回忆。
䜴油皇炒肠粉
33 浏览
0 赞好
0 留言
而除咗平时嘅点心之外，老友记都钟意整返啲炒粉面，呢味豉油皇炒肠粉唔会太油腻，份量亦可观，连怕油嘅婆婆都系佢fans。
女士来讲，食猪脚姜绝不陌生。呢到嘅猪脚姜材料充足，味道好正，小女每次都系最后享用精华嘅一员，啲汁唔会太甜，又唔会太酸，好好饮，学妈咪话斋“仲好补㗎！”
咖喱鲜鱿劲正，每次一出就就好快被扫清，唔会太辣，啲肉质好爽口弹牙，成家中宠幸儿嘅我总系可以食到最矝贵嘅鱿鱼须。
仲有好多即叫即蒸嘅一盅两件，传统的味道，都系质素上乘，绝不花假。更系其他连锁茶楼无可代替的理由。
鹌鹑蛋烧卖喺其他地方已经买少见少，好多点心师傅已经唔愿做嘅旧有菜式，每次来都要怀旧一番～
奶皇水晶包都系特有点心，外层透明见到里面啲奶皇，其实佢仲会流心𠻹，趁热食一流！
不过，可能系因为间茶楼真系太好生意，啲员工做到冇停手，所以服务欠奉。甚至有时不太友善，可谓大打折扣，虽然我哋系为食而来。
一间餐厅站得住脚与否，除咗出品，服务都好紧要，香港人嘅要求都唔算高，最起码唔好黑口黑面、含沙射影就已经好知足。
张贴
