新華茶餐廳

营业中

休息中

呢间系一间久唔久会挂住嘅餐厅，唔系咩高级野特别野，只系一个平凡嘅特餐。虽然我大大话话食左几年，但呢道嘅客十个有九个都系由细食到大。旧式环境，旧式餐桌，旧式服务有人情味，可能我挂住嘅系佢有一种旧式情怀啦！虽说话佢系平凡嘅特餐，但系当然有佢出众之处啦。火腿奄列配餐包 - 餐包系自制嘅，微暖而又软熟。奄列嘅火腿分量唔少，有蛋香，但系偏油少少沙嗲牛肉面 - 公仔面身煮到轻微偏硬，重点要讲嘅沙嗲牛肉系出奇地好有镬气香。平时食早餐我多数都会叫沙嗲牛面，但呢种香我暂时未系其他地方食到，呢个都系其中一个我挂住佢嘅原因。食到咁上下，听到有人大叫蛋挞出炉新鲜出炉蛋挞可遇不可求啊，香滑蛋香味浓，反正热辣辣嘅蛋挞点都系冇得输架啦。不过要挑骨头嘅话，个挞皮可以做到松化d就更perfect喇。呢种旧式茶餐厅真系买少见少，新式所谓「冰室」就开到一街都系，为嘅都系打算赚多你几蚊。但有时旧嘅野，我个人比较更想保留，希望到我六七十岁，仲可以有呢d旧式茶餐室比我继续怀缅下啦。