影片
更多
2021-10-31
634 浏览
（长文慎入）香港情怀—车仔面车仔面系香港本地日常菜式。起源于物质匮乏嘅年代。当时路边小档嘅档主收集一啲餐厅嘅下栏菜，为佢哋重新注入生命，烹调后成为基层市民嘅美食恩物。时至今日嘅香港成为国际都市，而车仔面嘅配菜亦随着时代变得越嚟越多样化。呢一碗平凡嘅车仔面，见证住香港嘅时代发展，更象征住一代香港人坚毅嘅精神、灵活变通嘅特性、无限嘅创意、物尽其用嘅良好习惯，更加反映到每个人𠮶种对自主嘅追求！「Bespoke」、「tailor-made」呢种个人化服务一般被视为高层次嘅服务，突显顾客嘅尊贵，当然价钱亦都高层次啲。而车仔面就打破咗呢一个定律！碗面要咩面底、咩汤底、咩配菜，都系由顾客按自己嘅喜好挑选。冇错，车仔面以亲民嘅价钱，提供tailor made服务！冇错！度身订造其实都系可以好贴地！而呢种tailor-made嘅自选模式亦被近年兴起嘅米线行业所采用。大家有冇谂过究竟系钟意食米线，定系俾呢一种自选模式所吸引呢？我要为车仔面平反！个人认为车仔面可以媲美日本拉面！因为佢承传住一股香港精神！喺度更加要多谢一班默默耕耘嘅车仔面经营者。佢哋将车仔面逐步由街边小档发展到一间间有特色嘅车仔面店。商业化后
香港情怀—车仔面
车仔面系香港本地日常菜式。起源于物质匮乏嘅年代。当时路边小档嘅档主收集一啲餐厅嘅下栏菜，为佢哋重新注入生命，烹调后成为基层市民嘅美食恩物。
时至今日嘅香港成为国际都市，而车仔面嘅配菜亦随着时代变得越嚟越多样化。呢一碗平凡嘅车仔面，见证住香港嘅时代发展，更象征住一代香港人坚毅嘅精神、灵活变通嘅特性、无限嘅创意、物尽其用嘅良好习惯，更加反映到每个人𠮶种对自主嘅追求！
「Bespoke」、「tailor-made」呢种个人化服务一般被视为高层次嘅服务，突显顾客嘅尊贵，当然价钱亦都高层次啲。而车仔面就打破咗呢一个定律！碗面要咩面底、咩汤底、咩配菜，都系由顾客按自己嘅喜好挑选。冇错，车仔面以亲民嘅价钱，提供tailor made服务！冇错！度身订造其实都系可以好贴地！而呢种tailor-made嘅自选模式亦被近年兴起嘅米线行业所采用。大家有冇谂过究竟系钟意食米线，定系俾呢一种自选模式所吸引呢？
我要为车仔面平反！个人认为车仔面可以媲美日本拉面！因为佢承传住一股香港精神！
喺度更加要多谢一班默默耕耘嘅车仔面经营者。佢哋将车仔面逐步由街边小档发展到一间间有特色嘅车仔面店。商业化后嘅车仔面行业，大大提升咗店舖嘅设计、配菜嘅选择、食物质素、环境衞生、效率同服务等，切合返现代市民嘅需求，更吸引咗一班新嘅车仔面爱好者。而永年士多就系其中一位表表者！
🍜🍜🍜🍜🍜🍜🍜🍜🍜🍜🍜🍜🍜🍜🍜🍜
起源于新界一间街坊车仔面档，永年依家已经发展为市区连锁店。现代化嘅管理将呢一样传统嘅本地菜式带入现代化世界！
LadyB今次呢碗自选车仔面：
油面：面条滑溜，零碱水味，正！（因为本人唔钟意碱水味🤗)
汤底：麻辣汤底。唔怪之得咁多人系永年嘅拥趸，佢嘅麻辣汤底味道浓郁，「麻」同「辣」嘅比例做到恰到好处！令人食完之后，得到麻辣嘅满足感之余，又唔会食到好辛苦！呢种功力唔简单！今次点中辣，啱啱好！不过下次会挑战下佢嘅大辣🌶🌶🌶🌶🤗
配菜：猪红虽然份量少，但系非常之滑溜，冇楂，俾like👍🏻
凤爪煮得好淋，好入味。唔怪之得系镇店之宝！推！👍🏻
鱿鱼就有啲失望，颜色唔靓，味道平凡。😪
食物外观：呢个最有惊喜！佢系啲医料上加上一只干椒做点缀。边个会谂到食车仔面，厨师会喺碗面上面加装饰😃呢种对出品有要求嘅专业精神, 已经超出左一般大众对车仔面档嘅期望。精益求精嘅态度，值得赢得大家嘅掌声👏🏻
望住呢碗平凡得黎又唔简单嘅车仔面，默默许下心愿，希望佢有朝一日可以作为香港代表，走入世界美食殿堂，宣扬香港精神！
是次消费：$43 （三𩠌）
食物：⭐️⭐️⭐️⭐️
环境：⭐️⭐️⭐️
衞生：⭐️⭐️⭐️⭐️⭐️
LadyB CP值：⭐️⭐️⭐️⭐️⭐️
猪红
82 浏览
0 赞好
0 留言
凤爪
28 浏览
0 赞好
0 留言
张贴
