影片
更多
2023-02-16
37 浏览
早几日明明仲好热，情人节先嚟冻番，另一半唔喺身边唯有去食重庆老火锅暖吓身🤭一坐低就送咗雪耳红枣糖水同情人节先送嘅心形辣萝卜泥。不得不赞佢嘅酱料，尤其香油完全担当住画龙点睛嘅角色，本身食材都好新鲜，但系蘸埋啲酱料食真系升华好多😋汤底拣咗鸳鸯锅：重庆辣同养生花胶鸡汤。嚟得重庆火锅店无理由唔试吓个重庆辣，不过唔算太辣，唔食得辣嘅朋友唔洗太担心😌而个花胶鸡汤系限定推出架，唔系成日有，有几件鸡同花胶，钟意饮汤嘅朋友装咗一大碗嚟饮🤭美国Prime牛小排(半份)$138比想像中大块，半肥瘦，牛味浓，几好食😋特色迷你燕饺(半份)$28真系超迷你，未食过咁细粒嘅饺，几过瘾🤭皮薄但唔易穿。嫩牛肉(半份)$48半份都唔会太少，口感超松软，牛味重，渌3分钟就食得。莴笋条(半份) $18大条爽脆，甜甜哋。鲜鹅肠(半份) $68爽口得嚟比较滑身，清洗得干净无臭味。鲜黄喉(半份) $58好爽口，蘸汁几好食。武隆苕粉(半份) $28苕粉比平时食开嘅红薯粉更宽，口感更烟韧，badboy钟意渌耐少少腍啲入味啲😋现炸豆皮(半份)$38浸一浸汤食，badboy食落觉得似系块状嘅山根🤭淮山条(半份)$28渌完好绵，唔蘸汁都好有
早几日明明仲好热，情人节先嚟冻番，另一半唔喺身边唯有去食重庆老火锅暖吓身🤭
一坐低就送咗雪耳红枣糖水同情人节先送嘅心形辣萝卜泥。不得不赞佢嘅酱料，尤其香油完全担当住画龙点睛嘅角色，本身食材都好新鲜，但系蘸埋啲酱料食真系升华好多😋
汤底拣咗鸳鸯锅：重庆辣同养生花胶鸡汤。嚟得重庆火锅店无理由唔试吓个重庆辣，不过唔算太辣，唔食得辣嘅朋友唔洗太担心😌而个花胶鸡汤系限定推出架，唔系成日有，有几件鸡同花胶，钟意饮汤嘅朋友装咗一大碗嚟饮🤭
美国Prime牛小排(半份)$138
比想像中大块，半肥瘦，牛味浓，几好食😋
特色迷你燕饺(半份)$28
真系超迷你，未食过咁细粒嘅饺，几过瘾🤭皮薄但唔易穿。
嫩牛肉(半份)$48
半份都唔会太少，口感超松软，牛味重，渌3分钟就食得。
莴笋条(半份) $18
大条爽脆，甜甜哋。
鲜鹅肠(半份) $68
爽口得嚟比较滑身，清洗得干净无臭味。
鲜黄喉(半份) $58
好爽口，蘸汁几好食。
武隆苕粉(半份) $28
苕粉比平时食开嘅红薯粉更宽，口感更烟韧，badboy钟意渌耐少少腍啲入味啲😋
现炸豆皮(半份)$38
浸一浸汤食，badboy食落觉得似系块状嘅山根🤭
淮山条(半份)$28
渌完好绵，唔蘸汁都好有味。
稻庭乌冬(半份) $28
爽滑弹牙偏幼身。
油条(半份) $18
油条渌完腍腍哋，吸咗汤汁好入味，食落有badboy好钟意食嘅面粉味😋，香口好食，半份唔够喉🤭
干贡菜(半份)$28
好脆，独有嘅菜味。
睇得出方叔叔好细心，完整嘅配套同员工优秀嘅服务令用餐体验无可挑剔。除咗垫枱纸印咗唔同食材需渌几分钟嘅指引，仲有timer方便你计时同有挂筛等你唔洗自己hold住好方便！员工加汤时会有板挡住防止汤溅落客人身上。枱面贴有建议火力，有即弃围裙，充足纸巾供应，门外仲有除味机！细心位多到讲唔哂，非常欣赏方叔叔嘅用心经营👍🏻
张贴
