牛涮鍋もっと (已結業)

无论前菜沙律、炸物、汤、火锅配料、刺身、海鲜、甜品、饮料都有极多选择。印象中，冇乜边间日式火锅店会提供刺身和海鲜任叫任食，牛涮锅嘅价钱其实都仲同普通嘅日式火锅店一样，非常大众化，但就有呢啲咁正嘅配料任你食，真系性价比极高，食完完全冇投诉。而且呢度无论加单肉类、刺身、海鲜、甚至加汤、卖单，都系用iPad落单，非常方便快捷，唔使成日要等店员嚟帮手，想叫就叫，分量自己拣，唔怕造成浪费。呢度嘅所有食物，炸物故之然热辣辣，刺身和海鲜新鲜无比，肉类肥瘦适中，劲有肉味，饮品嘅选择亦都系极多，无论鲜榨果汁、汽水、沙冰、热饮，你讲得出嘅都有，我觉得非常满意。食完当然唔少得食埋雪糕，有三种味道拣，隔离仲有好多五颜六色嘅配料等你加上雪糕上面装饰下。总之感觉就系呢度无论系乜嘢食物同饮品，都比其他同类型嘅餐厅多一倍选择，但系价钱冇贵到，我一定会再返嚟食。