煌府西九龍 (已結業)

星期日到呢间新开无几耐嘅酒楼试下，见佢装修得几光鲜，点知中伏。讲食物质素前，想提提，呢间野好劲，劲在下至上菜员，中至知客，上至经理，每一个都系超黑面同态度恶劣，最后会讲讲。食物：虾饺-皮厚虾极少（$18两只）黑松露烧卖-肉鞋亦好咸 （$18两只）牛肉蒸肠粉-皮厚如棉被鲍汁凤爪-凤爪完全无味，明显系整熟左之后先淋番个汁锦路云吞-d炸云吞系林而唔系脆嘅炸煎堆-唯一一样坚好食嘅，皮脆不太油发现有漏单情况，所以叫部长印张已叫嘅点心清单黎睇，虽黑面但照做，对完确定比漏左碟点心我地，就求其揾个侍应讲，指住张清单，圈左边碟无黎到要取消，然后同我地埋单，佢问我，咁你取消左未？我话未呀，所以咪而家通知你然后埋单啰。我地同时交代其实我地最终少左个人，所以开位时写在点心咭上人数要减一，因为要计茶钱嘛，佢竟然质问：咁点解你开位时唔讲？我地话因为系有个人开位后先临时黎唔到，佢系念念有词讲左几只唔知咩字，然后'gip'左一声先走。全个饮茶过程大家都好唔开心，因为无论我地系叫侍应攞野冲茶又好，或者上菜姨姨上菜时嘅面口，都系好似我地去左佢门口乞食咁，所以成个感觉都好差。咁我无可能比钱受气啫，所以唔会再帮衬。