baby café (已結業)

尋晚同個fd喺附近上完堂，大家都唔想行，近近地去左朗豪坊。。。講起大家都冇食過baby cafe，所以決定試下。。。兩個都諗唔到食咩，於是叫個二人餐，唔洗諗。。。點知。。。 上菜都算快，野食都係一樣接一樣上，冇咩時間look機。。。雖則本人對釀蟹蓋唔係有太高要求，但係食落口都唔係一pat pat 咁吖~!!***食到呢度，終於忍唔住問waiter攞左枝辣椒仔。。。因為真係。。。唉~~!!呢個主菜其實都幾heavy，有三種肉，再加一個飯。。。首先，羊肉部份超腍，又唔太羶，唔錯~~然後，串燒牛柳就不過不失啦~~都係屬於腍，但係冇串燒嗰種香味；都係嗰句。。。冇味嘅~~最後，燒春雞~完全唔係嗰回事~唔知想點~~~至於佢所謂嘅燒雜菜，就係平時食西餐嘅配搭。。。一塊翠玉瓜，一塊菇，同埋一舊薯仔咁多~~至於右手邊嗰個汁，有啲薄荷味，我地都覺得點肉怪怪地咁。。。而左手邊個汁更加普通，只係平時食西餐嗰啲汁。。。唔點好過。。。終於到餐飲。。。佢有芒果沙冰，火龍果沙冰，或者普通嘅飲品可以揀，最後決定試個火龍果沙冰。。。成餐飯都好似冇味覺咁，咩味都冇。。。旨在未食過，而且三百幾蚊有雞，羊，牛。。。價錢都算係咁