Kudos (已結業)

见到又有团购自助餐食，好似几好咩都有啲，有蚝又有蟹，价钱还可以，即刻买嚟试吓。餐厅设计简洁，都几舒服，但我哋坐近厕所嘅侧边位。食物款式多，但海鲜唔好食，一心嚟食海鲜嘅我有啲失望。每位送10吋大虎虾，今日嘅制法系黑鱼子芒果莎莎，个汁好味但唔多见有黑鱼子，虾肉新鲜弹牙。太平洋生蚝，冇蚝味。海鲜吧有波士顿龙虾，涷虾，黑青口，太平洋螺，蟹脚，龙虾仔，及法国面包蟹。波士顿龙虾无膏，肉质韧，比较好嘅系涷虾，新鲜。面包蟹，青口又系无味，无咩膏😯，螺系正常嘅。刺身款式唔少，少有嘅北寄贝及大大粒带子。羊架及牛尾唔错。鹅肝好味，充满油香，烧牛肉麻麻。蒜茸粉丝蒸带子及龙虾钳几惹味。椒盐软壳蟹，大大件咁食，不过炸得有啲干。即制法式海鲜汤有多款海鲜选择，配上浓浓嘅汤底更加带出海鲜鲜味。中式炖汤都几多料，大大粒猴头菇。甜品方面选择唔算多，芒果拿破仑最好味，其他一般般。回本Movenpick雪糕。