豆花先生 (已結業)

最近见有卖芋圆嘅舖头都会试下，今日去开葵芳，突登去试下杂志介绍嘅豆花先生。虽然有杂志介绍，但我都唔敢带住期望去试，因为之前都中过几次伏。 去到葵涌广场，都知会多人，不过原来唔系排豆花先生，而系排附近其他食店，但都差啲迫死。好，点嘢食，无人排队，一男一女店员都算有礼貌，我点咗个招牌豆花，有芋圆，地瓜圆，粉圆，红豆加豆花。无特别吩咐少甜，女店员负责装豆花，男店员收钱，豆花好快到手，$28份量唔多，可以接受到，但无得坐得食黎讲都算几贵，如果唔系想试，我宁愿饮两杯珍珠奶茶。由于系附近太迫，行咗一分钟去个无咁多人嘅位置立食食，黎得涌场预咗。食咗一啖先记得影相，本身碗嘢个样都ok，系细碗啲。讲下碗嘢⋯⋯无味。豆花唔甜，无乜豆味，尚算滑溜。芋圆同地瓜圆粉量一般，但系令我好失望系，无芋味，唔甜，又唔QQ，好似食紧方形染咗色嘅无味嘅糯米团。粉圆细细粒无乜存在感，红豆又系无味，唉，无下次。系葵涌广场大把嘢食选择，比啲诚意好唔好？