新蒸武門 (已結業)

宜家观塘既工厦有好多隐世美食, 今晚就俾我系骆驼漆大厦揾到一间食家常小菜既小店。一坐底, waitress 就以9 秒9 既速度帮你倒茶, 呢到饮既茶唔系普通既菊花普洱茶, 而系用红枣,菊花, 杞子,茶叶冲泡既八宝茶, 仲要用旧有的茶杯, 好特别, 见到D 料已经感觉杯茶系安神明目。餐牌上好多选择, 有冷盘, 海鲜类, 肉类,时菜, 汤/饭, 有选择困难, 仲有餐可以拣 。先黎一人一个菜胆花胶炖鸡汤, 平时D 鸡汤会有一层油, 但呢个好清, 饮得出无味精, 个汤好足料, 有花胶一齐炖, 女人需要胶质, 岩晒。 凉拌手丝鸡- 鸡丝, 青瓜丝, 萝卜丝全部都切得好幼细, 同好香既麻酱芝麻拌匀食, 系一个好开胃既前菜。冰镇鲜鲍鱼- 鲍鱼够爽口, 虽然系冰镇, 但唔会系冻到硬实, 配埋凉菜一齐食, 更加好味。蒜蓉粉丝蒜虾 - 满满既生熟蒜舖满虾身, 另有粉丝金菇垫底,再放于荷叶上一齐蒸, 一上枱已经有好香既荷叶味, 虾肉爽口, 粉丝金菇吸晒虾同荷叶既味道, 更加好味。宫廷香辣鸡- 炸得金黄, 炸得外脆内软, 少少辣, 加埋花生碎舖面, 更加惹味,  最岩送啤酒。时菜炒龙趸球- 龙趸肉好嫩, 唔