影片
更多
2023-03-08
79 浏览
刕舙馫面馆今日去咗红磡食刀削面，呢间刀削面店个名都几难读，要网上查先知点读，叫「黎话兴」面馆，门口易拉架仲写住无味精，一于入去食先。一入到店内见到唔算细，轮椅入到去都够位转弯，门口都系有一级，我就继续用我块斜板入去食野，店员安排我坐喺近壁画位置坐，画中好有「中国特色」，画中大概见到好多间屋， 屋附近有间「刀削面店」，好多人帮衬紧，画得好靓呀！店入面有8张枱，大约坐到约30位食客，每张枱都有三款调味酱比你加，有老陈醋、特辣酱同麻辣酱。间面店系用QR code落单或传统望餐牌叫野食，大约等5分钟就煮好拎上枱，小食又平，几抵食！1.麻辣牛筋腩刀削面$58＋鹅肾$9＋热奶茶＄6（8/10）呢个牛筋腩刀削面最初我系想叫牛筋刀削面，点知我自己睇漏字，原来有牛筋又有牛腩，6旧牛腩3旧牛筋，每旧都系一小旧，一口一旧易入口，每一旧都好淋，刀削面就好烟烟韧韧，烟韧得嚟又好滑，好难夹起似河粉咁滑，麻辣酱就自己加，呢个下午茶加$9有9块鹅肾，鹅肾好爽口，卤水够入味，再加$6又有杯热奶茶，奶茶够滑，个人唔钟意茶味太出，整体都ok！👍👍2.麻辣肥牛刀削面$57＋牛展$9＋热咖啡＄6（7/10）呢个麻辣肥牛刀削面个
今日去咗红磡食刀削面，呢间刀削面店个名都几难读，要网上查先知点读，叫「黎话兴」面馆，门口易拉架仲写住无味精，一于入去食先。
一入到店内见到唔算细，轮椅入到去都够位转弯，门口都系有一级，我就继续用我块斜板入去食野，店员安排我坐喺近壁画位置坐，画中好有「中国特色」，画中大概见到好多间屋， 屋附近有间「刀削面店」，好多人帮衬紧，画得好靓呀！
店入面有8张枱，大约坐到约30位食客，每张枱都有三款调味酱比你加，有老陈醋、特辣酱同麻辣酱。间面店系用QR code落单或传统望餐牌叫野食，大约等5分钟就煮好拎上枱，小食又平，几抵食！
1.麻辣牛筋腩刀削面$58＋鹅肾$9＋热奶茶＄6（8/10）
呢个牛筋腩刀削面最初我系想叫牛筋刀削面，点知我自己睇漏字，原来有牛筋又有牛腩，6旧牛腩3旧牛筋，每旧都系一小旧，一口一旧易入口，每一旧都好淋，刀削面就好烟烟韧韧，烟韧得嚟又好滑，好难夹起似河粉咁滑，麻辣酱就自己加，呢个下午茶加$9有9块鹅肾，鹅肾好爽口，卤水够入味，再加$6又有杯热奶茶，奶茶够滑，个人唔钟意茶味太出，整体都ok！👍👍
2.麻辣肥牛刀削面$57＋牛展$9＋热咖啡＄6（7/10）
呢个麻辣肥牛刀削面个肥牛可能因为影相太耐，搞到肥牛好硬，估计因为喺热汤入面自己系咁滚，下次都系唔好影咁耐相先！🤣🤣🤣
呢碗刀削面叫咗少面，而个面一样好烟烟韧韧，烟韧得嚟又好滑，好难夹起似河粉咁滑，麻辣酱就自己加，呢个下午茶加$9有5片牛展，牛展系薄切，卤水够入味，再加$6又有杯热咖啡，咖啡够滑够香浓，好唔错！👍
3.香脆素春卷（5条）$15（9/10）
呢碟春卷有5条，入面无猪肉，系全素，有红萝卜丝等蔬菜，炸得非常脆！
2人总共价钱$160
个人口味总评分：8/10
地址：红磡民裕街9-31号隆基大厦地下3号舖
张贴
