樓下冰室 (已結業)

呢间冰室几乎系我饭堂，唔只主打无味精瑞士鸡腩脾同番茄汤粉好食，其他野都煮得比其他冰室更用心同好食。例牌我食开嘅招牌瑞士鸡脾番茄螺丝粉，抵食有营。啖番茄汤系屋企煮再浓d嘅版本，瑞士汁调较得香甜，鸡脾非常入味而肉质滑溜，呢间系我少有会食埋鸡皮嘅餐厅。番茄粉上面仲放有滑蛋，香浓蛋味捞埋番茄汤系超正！呢度咖喱都好正，唔辣偏香同惹味。秘制咖哩牛腩饭牛腩份量多，饭𩠌分开装，都靓仔。冰室有菜食系少见，而且上汤浸杂菇娃娃菜更少见。难得系都煮得好味，娃娃菜索哂d上汤，上汤汤底好鲜甜，唔洗讲啦，好味。友人钟意瑞士鸡翼，同鸡脾一样好味，再入味d，佢连鸡翼尖都食埋。餐加$9有冻柠茶，加$11有特饮华田脆爆添，即系冻阿华田上面加阿华田脆脆，咁杯冻饮就超浓华田味又有脆嘅口感，得意有好味。我就系钟意呢度员工有礼貌，野又好食，价钱又一d都唔贵，希望水准一直保持下去呀。