九鼎百味 (已結業)

今晚约咗朋友交收，交收完就梗系食埋饭先散水，佢带我上去市政大厦开餐呢间新开无耐嘅菜馆，有鸡煲火锅亦有小菜供应，见今晚天气又回暖返D，就叫小菜啦小菜款式都唔少，有D仲有住家菜感觉，价钱相当实惠我真系好钟意食炸乳鸽 ($58)架，虽然体型系细只D但炸至皮脆肉嫩，鸽身亦卤得入味，点D喼汁食，秒速KO半只!!火舞风云 ($98)从碟名又点会估到究竟系碟咩𩠌，原来系变阵版嘅咕噜肉..........哈哈...!选用火龙果代替菠萝，食起黎多一份清新，减少咗酸度; 而肉就用猪颈肉代替腩肉，口感爽口又无咁肉腻，仲有个炸浆开得唔厚，唔会成口粉都仲未食到肉嘅部份。以煲仔上嘅姜葱牛栢叶 ($88)，能够保持热度!  牛栢叶系一旧旧夹得起，并唔系D碎荫荫，口感腍中之余又爽口，加入爆香嘅姜葱快炒就搞掂，快靓正!呢个黑椒猪手煲 ($128)，侍应送上枱时都吓傻了眼，咁大煲嘅?!猪手用刀叉将佢解体，猪皮未食目测已感到满满嘅骨胶原，柔滑而唔太肥腻猪手肉量相当多，被惹味黑椒汁重重包围，加上煮到有甜味嘅洋葱，变成一个偷饭贼!呢个豉油王炒面 ($68)应该系我食过嘅"健康版"，面底无油系碟上，炒得干身之余但又唔系干争争㖞，