滋潤棧 (已結業)

忽然谂起想食家庭式无味精客饭小菜，会谂起去边?除咗太子兰宛饍馆外，就系呢度...久未帮衬，每次多数嚟食lunch。客饭六选一，加埋碗老火汤，清清哋...呷一口沙参玉竹雪梨猪骨汤。初时饮落，都颇清。再呷多口，咦...喉咙有少少痕。真系无msg添加?茄子排骨客饭。味道偏咸，排骨淡而无味，要靠厚厚嘅献汁"俾"味；茄子倒系煑得颇淰。用嚟拌饭吃，总算食得落...边食边喉咙不适，完全无味精添加，信焉?但相比起普通茶记出品，又不致于咁过份...