餃掂手工餃子雲吞專門店

我本身超中意食饺子，今日同朋友经过见到新都城呢间手工饺子专门店，一于试吓啦呢间餐厅坐满哂人，都唔少人食，一坐低见到樽酸萝卜，即刻夹啲酸萝卜食，开下胃，原来仲可以成樽买。我主要食煎饺子，拣左至尊松茸猪肉饺配状元九鼎汤，松茸味非常突出，胀卜卜嘅馅料加脆卜卜嘅皮外脆内软，而且佢嘅汤用料十足，用粉葛、鲮鱼、赤小豆扁豆，饮落汤底鲜甜，饮得出用真材实料煲，味道香甜。最后我哋仲叫多个酸辣凉皮同黄金原味皮蛋，份量都几多，两个人食啱啱好，酸辣适中，皮蛋仲系溏心效果，超正；凉皮QQ弹牙，配埋各种香料，好味！食完饺子再饮杯山楂雪梨水，生津解渴感觉健康，味道天然，而且价钱唔贵，值得一试