麵屋常勝

营业中

休息中

放工约咗朋友喺观塘做瑜伽，打算喺附近快脆食少少嘢。行过东广场见到新开咗间拉面店，主打系无味精汤拉面，于是就一齐试一试佢😙因为朋友唔钟意食虾汤拉面，于是佢叫咗人起鸡白汤叉烧拉面，我就食咗招牌嘅浓虾汤，加$22可以有小食同埋送冷泡茶。冷泡茶嘅份量都唔细，应该有大概400 mL，我哋跟餐嗌咗章鱼小丸子同埋炸鸡软骨，因为朋友好想食芝麻鸡翼同蟹肉薯饼，所以我哋都另外再加咗。小食上到枱都非常热，鸡软骨个调味啱啱好唔会太咸，个人最钟意都系章鱼小丸子，虽然睇落细细粒，但系入边都有一粒足料嘅八爪鱼。小食嚟晒等咗一阵拉面先上枱，我先试咗朋友嘅鸡白汤，饮落去唔会太咸，系啱啱好嘅鸡汤味，拉面配有一粒粒糖心蛋同两块叉烧，糖心蛋煮得啱啱好唔会过熟，叉烧亦都唔会太肥腻，整体成碗拉面望落去唔会太多油。跟住讲吓餐厅人气嘅浓虾汤，配料基本上同鸡白汤拉面一样，但系个汤饮落去feel到劲足料，食到海鲜嘅咸香同感觉上真系冇落味精，食完唔会劲口渴。