湯品小棧 (已結業)

朋友话带我去饮住家汤，我问佢上边个屋企呀，佢就带左我黎呢度饮。佢介绍左我饮茶树菇冬瓜炖汤，料系几足，茶树菇一大札，冬瓜切粒后都差不多装满炖盅。由于朋友话系清炖汤，所以饮落味道就较淡，当然亦证明无添加味精啦，不过个人黎讲系喜欢佢既淡。茶树菇本身味道偏淡，由于只系配搭冬瓜，整碗汤都系素材料，所以零舍健康，健脾胃，降胆固醇，都系此汤既卖点，当然仲有自家烹调呢一大要点，对于我呢个成日出街食饭既人黎讲，可谓及时雨。至于炖汤温度颇高，大家去试时记得唔好即刻饮，摊冻少少先，否则就会辣到咀同手架啦。其他配菜还有黄牛肝菌酱生菜，味道有点像卤肉酱，但就更清更简单，牛肝菌配生菜都是健康配搭，袪风寒作用还有消食，可以食返餐清茶淡饭确系像沙漠中的绿州一样。仲有溏心蛋同米线，溏心蛋是有点溜心的，而蛋白就滑滑的，配以清汤煮的米线，真是感觉到平凡是福的道理。