湯品小棧 (已結業)

最中意四围食唔同餐厅既我，见这间小店入选了2016年的米芝莲，就去试下。因为系星期日既关系，所以系无午餐同下午茶优惠。汤品总共有6款选择，有3个清汤、3个浓汤。叫左一个松茸炖汤套餐+蕃茄猪软骨+红米饭炖汤配料有鸡肉、萝卜丝及木耳，味浓中带点松茸香，感觉新鲜。炖汤的色泽清澈，汤的味道好清幽。猪软骨食唔出有蕃茄味，但就炆得软腍，连软骨都可以食埋。另一个系虫草花炖汤套餐+台湾水饺+新竹米粉+合桃米露汤料有虫草花、萝卜丝及木耳，d汤好香浓，虽然写住系浓汤，但饮落都好清甜，唔会过份浓烈。台湾水饺有5只细细只，饺子的皮很Q又有弹性，煮得恰到好处。新竹米粉比广东米粉细又软，口感唔错，不过因为真系干米粉，所以无咩味道，要加汤一齐食先比较好食。合桃米露既合桃味好香，味道唔会太甜，清清地。两个炖汤都系好正既老火汤，而且真材实料，黎到d汤重好热，饮得出完全冇味精，材料都十分入味。见佢个炖汤好似细细碗咁，我地连汤带料全部套餐既野食晒都好够饱。