味滿

营业中

休息中

因为感冒加咳咗成个星期，喉咙好唔舒服，所以突然好想食番碗粥。咁啱就经过咗呢间位于天后嘅「味满」，目测装修设计简约清新，环境舒服衞生，仲有只可爱猫猫公仔贴系门口，决定一试。餐厅提供有各款生滚粥、亦有各式粉面饭及肠粉，亦有不同传统小食及麻辣系列。除单点外，更设有全日套餐，凡点一个主食可以优惠价选一或两款小食、及追加饮品。《皮蛋瘦肉粥》（$43），粥底够晒绵滑，皮蛋瘦肉粥真系好有效下火、皮蛋更可令喉咙即刻舒服咗，食完成个胃暖晒，十分正。《香茜牛肉肠》（$28），肠粉够滑嫰，牛肉平均包在肠粉中，配埋餐厅辣椒油够香又不太辣，更加好味。《酥炸鲮鱼球》（$32），推介必试。因为见到隔离枱叫，上枱时见到非常吸引，所以忍唔住都叫咗。鲮鱼球弹牙酥香，点上蚬芥更提鲜，呢个绝对系一味童年回忆嘅食物。