喜聚坊

营业中

休息中

今日男朋友接放工，之前经过大角嘴见到有间铺好多人等紧位，今日就一早book左去食。餐厅环境行7 80年代嘅复古style。天天煲靓汤今日推荐嘅系南北杏黑木耳鸡骨草煲猪尾骨，可以清热解毒。老板话个汤系煲左5个钟，无味精架！饮落好清甜足料，同平时系街饮嘅汤差好远，真材实料。金云彩沙黄金虾球一上台已经引唔住望多两眼，金黄色圆碌碌好吸引。入口有阵阵嘅咸蛋皇香味，外层系炒到起沙嘅蛋皇，入面系好弹牙嘅大虾，蛋黄嘅咸香唔会抢走虾球嘅鲜味 。酱皇麻辣干锅走地鸡香港好少机会食到走地鸡，梗系要叫返个。一碟嘅份量够2-3个人食，成只鸡系晒到。配菜有紫洋葱、青椒、木耳、豆卜等，加埋小小辣，鸡肉好惹味。食鸡煲最惊就系鸡肉太熟会好老，但佢食到后期啲鸡胸都好嫩。最后再黎多个甜品腐竹薏米糕就啱啱好啦！呢一餐真系好满足。