一樂小鍋 (已結業)

咁啱离开呢头做嘢，所以就顺手喺石门呢度食埋饭先走啦！由于时间有限，所以我快快脆就拣咗间车仔面嚟食，点知都几有惊喜😌我睇中佢呢度系用唔落味精嘅猪骨汤底，比较健康💪🏻而且面类方面，除咗一般嘅米粉河粉之外，呢度仲有菠菜面、红菜头面等等，啱晒我呢啲成日想试新野嘅人今次我拣咗卤水牛脷、五香牛腩、同埋韭菜蒸饺三个𩠌，另外仲配咗红菜头面！咁大个女第一次食红菜头面，面质烟韧，而且食起嚟有一阵阵既红菜头味，几特别😎牛腩同牛脷都非常之入味，韭菜饺馅料新鲜，而且仲即叫即蒸，所以会比碗面迟嚟少少！但整体味道唔错另外加$3仲可以有一杯热豆浆，成餐饭买单唔洗$50，都几抵食😎下次会再嚟过！