燉 (英皇道) (已結業)

喺炮台山上堂，到食晏时间人生路不熟唔知有咩好食，四围望吓有咩好食之际发现到大大个「炖」字，超开心呢！因为又可以饮靓汤，超钟意饮汤嘅我当然唔放过呢个机会即刻过马路去帮衬吓！其实未入到店内都已经谂到叫咩汤，但系饭就未谂到，睇咗一阵餐牌后就决定点花胶螺片炖鸡&鱼肚排骨蒸饭。比完钱就去拎饭，好快就有得开餐我最钟意佢地嘅汤系完全无落到盐，因为人人口味各不同，落唔落，落几多，自己决定；而饭都系一样，另外上一包豉油自己落。汤内有一只筒胶、一块螺片、一只鸡下肶，其实食埋D汤料都饱咗一半，鸡佢地起咗皮唔会太多油，感觉几健康，好味饭对我黎讲就淋咗些少，但整体都好够味。呢个价钱可以饮到个足料靓汤，好满足呀！