茶木‧台式休閒餐廳 (已結業)

呢一日，小新同爱丽丝去左食茶木👫 其实小新一开始就唔想食😂 系爱丽丝唔知点解冇啦啦想食，就拉左佢去💁🏽我地都点左午市套餐，先系爱丽丝既花枝丸加薯仔三杯鸡配肉燥饭，饮珍珠奶茶(另加$9)。首先，个三杯鸡真系唔太好食☹ 鸡肉其实冇味，仲要系未熟，可以见到红色😣 至于个肉燥饭，本来就系细碗装，仲要肉燥得好少😕 所以成个餐最好食其实系个两粒花枝丸同杯杯珍珠奶茶🤔之后就系小新既花枝丸加蕃薯牛腩配肉燥面，饮柚子冰。首先，个牛腩都几淋，不过味道较淡。至于个肉燥面都系好细碗，虽然餐牌写明系细碗，但个餐成$70，份量咁小，味道又唔好，真系唔抵食。唯一可赞既就系茶木既装潢同餐具设计。因为成间舖既装潢系好令，俾到人精神清新既感觉，而啲餐具以农田工具为主，例如个匙羹系泥铲，都几得意既。