麵 (已結業)

经过中环，唔太饿，想食d 轻食， 就拣左呢间舖。入到去人唔多， 因为下午茶得三个选择，所以好快拣好， 但叫极无人理，明明有二个店员， 一个挂住同厨房倾计， 一个可能食饭，所以对所有事不闻不问，连叫一叫另一名员工落Order 的意欲都无。叫左阵， 终于有人理下我， 我叫左个蒜香鸡扒汤蒙， 点知入到厨房，厨房又问返楼面边d 单做左， 边d 未做， （因为系开放式厨房，所以一目了然），佢咁问已令我对间舖好无信心，因为系得一二枱客，已经咁乱😱不过算, d 野好味就ok 。点知， 个鸡扒系预制，就咁夹起，完全唔热， 都算， d 蒜系就咁用炸蒜洒系面😒😒😒。 碗面到我枱， 汤？ 汤呢？ 未开始食已经咁少汤🤔算，算， 我都唔系钟意饮汤，所以由他吧。 但是， 我听到隔离枱个客想加汤，厨房个个厨师系咁骂，仲系咁讲无嫁㖞，虽然讲完一轮都有比， 先话 下不为例。 但态度好差劲。好， 终于开吃， 何来味道？ 鸡扒无味， 仲要梅梅地，唉， 食亲鸡都中伏，难道系命？ 饮啖汤， 都有d 鸡粉味既。 自己加左d 辣酱， 食多二三啖， 算。 其实下次唔熟个区， 食d 连锁店算了吧。 支持小店变自己受罪😩😩