林洪記水產

营业中

休息中

朋友生日，知道朋友钟意食海鲜，所以上网揾吓边度有蒸海鲜食，见到呢度评分唔错就早几日whatsapp book左位，6点准时到达，叫左$238海鲜放题，每日加$40有半只龙虾🦞，加$20可以任饮，星期六每位再加$20，所以每位$318，但就不用加一，总共有9款海鲜，龙虾🦞、圣子、青口、元贝、蚝🦪、带子、鲍鱼、花蟹🦀、大头虾🦐、食完呢9款海鲜之后就会有任食打边炉，首先讲下啲海鲜，望落去都好新鲜，但食落居然系完全无鲜味，圣子、带子青口、元贝食落仲要梅梅地，好唔新鲜，只蟹系断晒脚，然后佢地每一款海鲜都系用同一个蒜茸汁，唯一比较好既海鲜系大头虾同龙虾，另外一坐低佢叫我哋去google帮佢写食评打卡佢会每人送一只大闸蟹比我地，结果三只大闸蟹，其中一只系臭的🤮🤮🤮 最后佢只系用白开水+少少唔知咩汤就叫我地打边炉，好彩系最后打边炉啲野都算正常，起码牛肉都有肉味，蔬菜🥬牛丸，云吞、蟹柳都正常，但海鲜真系好差，蒸海鲜都系去返锅心八仙蒸锅食好过啦，起码人地海鲜新鲜，每一样海鲜都会配搭不同酱汁，总之呢间唔会有下次🥶🥶🥶