影片
更多
2022-06-16
1785 浏览
喺海滨唯一一间酒楼～系新年𠮶阵时新开张～觉得一开头会好多人，所以等到近排先去试吓佢点知夜晚时段都系咁多人😂日日都咁多人，啲嘢应该都好食嘅～𠮶日我哋特登早啲去拎位等咗大约半个钟有位入到去拣完嘢食我哋就坐喺度倾计点知坐坐吓….越等越肚饿呀我哋周围望，有啲人迟过我哋入都有嘢食🤔所以我哋决定问吓进度点…..职员答案系：整紧等咗差唔多成粒钟….有一碟生炒骨上喇老实讲….好失望碟生炒骨一嚟，感觉系….点解好似比人食咗一边咁我心已经唔系谂比人食咗，系谂系咪跌咗落地下啊平时见到咁嘅情况，我都唔会问…觉得算数嘅，问咗都唔会有咩改变衰又衰在今次我妈咪喺度，要我问吓点解咁样咁咪唯有问吓啰….其实都唔知点问😝总之就问…点解好似比人食咗一忽咁嘅个职员就答我….你嫌小呀，我话….系lu😰之后佢就乜都唔讲，拎咗碟嘢返入厨房😅我心谂…唔通佢会比多啲我哋老实讲….八十几九十蚊一碟咁嘅份量…我心谂：权发45蚊都多过你咁我哋继续等啦⋯⋯迟过我哋入嘅隔离台都食完准备走喇….我哋嘅第二碟都未嚟😩咪唯有再吹吓啰….跟住就嚟咗通菜再转头嚟碟薯仔牛柳粒哦…我见到…份量都系一样咁小系我哋怪错佢，唔系跌咗落地亦都唔系比人份咗去系佢真系份
觉得一开头会好多人，所以等到近排先去试吓佢
点知夜晚时段都系咁多人😂
日日都咁多人，啲嘢应该都好食嘅～
𠮶日我哋特登早啲去拎位
等咗大约半个钟有位
入到去拣完嘢食我哋就坐喺度倾计
点知坐坐吓….越等越肚饿呀
我哋周围望，有啲人迟过我哋入都有嘢食🤔
所以我哋决定问吓进度点…..职员答案系：整紧
等咗差唔多成粒钟….有一碟生炒骨上喇
老实讲….好失望
碟生炒骨一嚟，感觉系….点解好似比人食咗一边咁
我心已经唔系谂比人食咗，系谂系咪跌咗落地下啊
平时见到咁嘅情况，我都唔会问…觉得算数嘅，问咗都唔会有咩改变
衰又衰在今次我妈咪喺度，要我问吓点解咁样
咁咪唯有问吓啰….其实都唔知点问😝
总之就问…点解好似比人食咗一忽咁嘅
个职员就答我….你嫌小呀，我话….系lu😰
之后佢就乜都唔讲，拎咗碟嘢返入厨房😅
我心谂…唔通佢会比多啲我哋
老实讲….八十几九十蚊一碟咁嘅份量…
我心谂：权发45蚊都多过你
咁我哋继续等啦⋯⋯
迟过我哋入嘅隔离台都食完准备走喇….
我哋嘅第二碟都未嚟😩
咪唯有再吹吓啰….跟住就嚟咗通菜
再转头嚟碟薯仔牛柳粒
哦…我见到…份量都系一样咁小
系我哋怪错佢，唔系跌咗落地亦都唔系比人份咗去
系佢真系份量得咁小同埋个碟大咗啲再显得佢特别小啫….
通菜系虾酱炒通菜…咸系正常嘅😜
不过我真系嫌佢太咸啫
薯仔牛柳粒
有啲蜜汁嘅，几好味…我哋好快食晒
唔知系咪无饭又无𩠌…我哋等到饿狗咁
好快食晒呢碟嘢
之后就嚟咗碟椒盐鲜鱿
鲜鱿系新鲜弹牙，但炸粉𠮶度都系偏咸嘅～
之后就系….等….
等到连碟比较咸嘅虾酱通菜我哋都食晒…
都无再有嘢嚟
最后….屋企人发脾气话要走lu
去收银度话要cut单走喇…cut单要经理出嚟cut
嗱～唔系我哋要求佢出嚟架，但既然经理出咗嚟
紧系要发吓脾气话点解等咁耐都无嘢食啦
其实我哋都唔系好野蛮啫…我觉得
只系问点解咁小啫，无谂过佢会加返多啲…只系想反映下啫
但发脾气嘅原因系等太耐，其实我哋系见到周边啲枱都不停上菜…只系我哋无
唔通就系因为我哋吹同嫌小？
经理态度都唔系太好….完全都唔觉得佢有悔意
所以味道我只系试咗四碟….
佢晚市免茶免加一系值得一赞嘅
味道无话唔好食嘅，速度同态度…
真系要改吓啰….
熊度唔系讲服务态度，系佢唔觉得佢哋有唔啱嘅态度…
仲有啊
无咁多料就唔好用咁大只碟….
比人感觉好小𩠌啊，醒啲啦喂
张贴
