Home Place Cafe (已結業)

今日约左朋友倾野，所以就揾左间无咩人的Cafe，呢间系朋友带我上黎，可能平日关系，cafe成晚都唔见有好多人，计埋我地呢台都系得三台客左右，真系几适合静静地咁倾野。 叫左个辣味长通粉，入口又真系比想像中辣，系韩国辣酱个种辣味，食两啖就要饮水解解辣，不过我本身中意食辣，所以觉得无问题，如果唔食得辣的朋友就唔好叫呢个喇。长通粉有少少偏硬，如果可以煮耐少少会更好。餐点份量唔多，女仔食会刚刚够饱，男仔可以加钱加底，整体黎讲味道唔错。