一粥麵 (新都城中心二期)

营业中

休息中

平时5：00多数都系做紧野，好少会呢个时候揾野食，今日因为太忙，净系食左早餐无食lunch，所以咁早已经有D肚饿😅，见到附近一粥面，原来5：00已经有晚餐，仲要有煲仔饭食😚，好耐无食过煲仔饭，突然好想食，因为我好钟意食饭焦既🤭🤭，只系煲仔饭先会有饭焦食。即刻order个最经典口味先。腊肠花菇鸡煲仔饭$48，其实呢个价钱饮埋冻饮都系$51，唔算好平😶，因为个煲仔系比较细既，一般煲仔饭系用有手抦𠮶款瓦煲，系大个D既，所以如果女仔食系啱啱好，男仔可能唔够饱😅。讲返个饭先，可能我自己系比较重口味既人，觉得唔系好够味，尤其系D煲仔豉油，唔可以带返煲仔饭既鲜味出黎，就算有腊肠都唔够香。饭焦系足够既，但都系同一个问题，因为唔够香味，只系食到浓左既味道，其实都算系几失败🙄。食完之后，都系决定以后食煲仔饭都系去明火𠮶D舖头会稳阵啲😂😂。