Hard Rock Cafe (已結業)

炸薯皮作为一个前菜嚟讲，呢份炸薯皮都几贵，未加一HKD130。本身想叫个main dish炸鱼薯条HKD12x，点知个日售罄，所以先会叫炸薯皮as replacement。薯皮上布满cheddar cheese，有啲洋葱同烟肉调下味，食落都唔会太咸，不过就唔热，而且有少少过油。伴随嘅酸忌廉反而好好食，唔腻，好淡身，用嚟点薯皮反而啱啱好，亦都令薯仔变到好creamy。蜂蜜芥末烤鸡烟肉三文治名为三文治，实为汉堡。个包稍稍煎香过抹过牛油，因此无咁单调。烤鸡好嫩滑，只系轻轻用黑椒同盐调味，所以加埋烟肉咁咸嘅食材一齐食就会啱啱好。Oreo Cheese Cake加埋一呢旧芝士蛋糕就要一百蚊了，虽然可以分到大约两个人份量，但系对我嚟讲有点overpriced喇，你话好好食就话姐，但系呢份cheesecake芝士味唔太浓，后面嘅orea饼皮好厚，系厚实都吉唔开，一大力吉就散，而且无乜oreo味，反而有少少新年食嘅金币朱古力味。如果唔系想喺附近揾个露天地方坐下，下次都应该唔会再嚟呢度了，食物实在无咩特色令我想再返嚟食。