影片
更多
2009-06-25
47 浏览
今日要食个Quick Lunch，贪就脚去咗KFC，买咗份家乡鸡皇饭配炸鸡粒既套餐。个套餐应该跟个大既家乡鸡皇饭，但上枱既系一个方形碗既饭 (以前系用黑色胶兜，或者系白色碟)，望落似系细碗既size，我向店员救证，原来呢个真系「大」碗家乡鸡皇饭，真缩水。望住呢个似系下午茶既Lunch，我都无咩好讲，唯有快快趣食埋去上堂啦。但食咗两粒鸡粒后就好唔妥，点解我只系食到炸粉，食唔到鸡肉既？为咗解开呢个迷，我就mit开粒鸡粒睇吓，哗！KFC竟然用神奇既炸粉，令到比手指尾指头还要小的鸡丝，发大5倍变成鸡粒。到底呢个系唔系偶然既事呢？为咗知道迷底，我mit开多一粒睇吓，第二粒都系咁架。正当我谂紧好唔好做老好人，就咁算数既时候，我突然望到坐我旁边既客人，佢份大既家乡鸡皇饭，系用旧款黑色胶兜装住架，我再望吓自己碗饭，一个家居饭碗上面放住两三粒鸡肉粒，再望吓我唔会食既炸粉，我觉得自己用$25.8 (原价要$30.8，用咗coupon减低5) 买一碗白饭加一杯汽水加六粒炸粉都唔出声，我就唔系好人，而系白痴。我叫咗经理埋唻，首先问佢：请问我呢碗系唔系大既家乡鸡皇饭？经理：系架！小妹：但以前系用黑色胶兜装架㖞，
望住呢个似系下午茶既Lunch，我都无咩好讲，唯有快快趣食埋去上堂啦。但食咗两粒鸡粒后就好唔妥，点解我只系食到炸粉，食唔到鸡肉既？为咗解开呢个迷，我就mit开粒鸡粒睇吓，哗！KFC竟然用神奇既炸粉，令到比手指尾指头还要小的鸡丝，发大5倍变成鸡粒。到底呢个系唔系偶然既事呢？为咗知道迷底，我mit开多一粒睇吓，第二粒都系咁架。
正当我谂紧好唔好做老好人，就咁算数既时候，我突然望到坐我旁边既客人，佢份大既家乡鸡皇饭，系用旧款黑色胶兜装住架，我再望吓自己碗饭，一个家居饭碗上面放住两三粒鸡肉粒，再望吓我唔会食既炸粉，我觉得自己用$25.8 (原价要$30.8，用咗coupon减低5) 买一碗白饭加一杯汽水加六粒炸粉都唔出声，我就唔系好人，而系白痴。
我叫咗经理埋唻，首先问佢：请问我呢碗系唔系大既家乡鸡皇饭？
经理：系架！
小妹：但以前系用黑色胶兜装架㖞，坐我隔离𠮶客人𠮶碗都系用胶兜装架。
经理：基于环保理由，堂食既会用碗，外卖既先用胶兜。
小妹：但佢都系堂食架㖞！
经理：…………
小妹：Fine！呢个我唔同你计 (亦都无乜好计，因为只系份量既问题，无谓难为人)，但啲炸鸡粒得咁少鸡肉 (指住啲鸡肉畀佢睇)，我觉得好呃秤啰！
经理：哦！因为系制作过程里面，有机会出现部份大小不一既情况，可能其他唔系咁……。
小妹：但系我mit咗两粒都系咁样。
经理：…………
小妹：基本上我食咗两粒，mit咗两粒都系咁样，我就接受唔到，你同我换过第二样野食啦！
经理(如释重负，笑到四万咁口)：咁请问你想换咩野食呢？
小妹：你换鸡中翼畀我啦！
结果个经埋换返鸡中翼畀我，我先觉得顺气啲，但以后就算唻，都唔会再叫呢啲野食啰！
张贴
