伊賀日本燒肉料理 (已結業)

好一阵没吃烧肉放题了，挂念那尽情任点任食的感觉，是日相约朋友来到伊贺，之前食过几好食㗎。我地食早场，人不太多，店内几干净，枱上用具无黐纳纳。任食不包括饮品，但枱上有绿茶提供，个人觉得已很足够，除非想饮冷饮啦。用pad落单方便快捷，基本上很少漏单，除非已售罄。日式烧炉，如烧到㶶左，可要求换网的。时间尚早未多食客，店内颇大，如全场一齐烧唔知抽风做得够唔够好呢。除了烧肉，仲有刺身食㗎，质素一般啦。寿司几好食㖞，饭软腍馅多，细细旧刚好一口一件。蟹籽沙律劲多蛋黄酱，正。日式沙律贪佢用麻酱呀～炸物系列，都几多款，较特别有炸双皮奶，甜甜地几得意。烧肉，都系牛、猪、鸡啦，肉质一般，但胜在细细块，焯一焯就熟，好快烧完又下一round，食肉兽啱哂，烧肉烧到饱嘅快感。个人觉得伊贺的猪肉好食过牛肉，可能因为腌左？鸡肉同沙鲜都ok嘅，不过是日点的蔬菜没来，仲想烧下菠萝。美中不足没有甜品，如果有雪糕送下就好了。