元気寿司 (已結業)

由「海龟」收工，行出黎最近既开饭地点，一系「大妈乐」，一系就元气。由于要行到出湾仔码头咁远，Office 又收晒，所以无客。叫左以下几类食物：1. 刺身叫左剑鱼腩刺身，去左好多日式连锁寿司店食，都系元气最好，有香浓剑鱼味。不过有时未溶晒雪就上台，好在今次无事。2. 寿司带子细只到死，腐皮寿司缩晒水，油甘鱼无乜鲜味，三文鱼同北寄贝色泽 OK，鳗鱼望样都唔错。赤虾黄金烧都食得过，牛油果软脚蟹卷一拎就散。3. 军舰叫左海胆同辣味三文鱼军舰，睇相就知紫菜淋晒。4. 三文鱼头汤多骨，不过面豉汤有鱼味都几香。两个人食，全餐用左会员卡折扣大约 $245，连贴士 $250。