標叔叔小食店

营业中

休息中

自细就住深水埗，以前每晚11,12点经过一定会叫返一两串辣既猪颈肉食，系深水埗最好食既串烧店。但系早排标叔叔装修，装修过后店铺睇落干净清洁咗好多，但系原本烧野食既啊叔同啊姐就变左做2位后生仔，骤眼睇以为转左手，但店名都系叫标叔叔，我谂应该无转到手挂。咁前晚经过，就去食我最爱既猪颈肉，点知食落口个阵先发现串烧同以前只味唔同咗。宜家就算叫辣都系会食到蜜糖味，原本个只辣味已经消失咗。不过，钟意食蜜糖味串烧或者对辣无个种执著既朋友，我都会推介标叔叔，只系无左以住个只辣有点可惜。