八番屋 (已結業)

赶车食个快早，唔想食老麦，就脚就行入八番屋。完全无期望，谂住拿拿临快快趣填饱肚就算，重影乜鬼相呀，所以叫个最平$35的担担肉捞面餐就算。先嚟咖啡，正正常常，但都好过老麦淡如水的Latte 。𠮶捞面嚟到，半只糖心蛋，有少少肉松，少少葱，几条荀，3只辣椒。唔理啦，赶时间，捞起就食啦。一啖放入口，超出预期，微辣，面质非常Q弹有咬口，系我最钟意的口感，味道唔差，即刻望住碗面心心眼老公叫鸡扒炒蛋多士餐。鸡扒分量一定大过大家乐，味道OK,都嫩滑的，稍为冻咗少少。多士脆口微暖，唔错，蛋我无试，但个样一定滑过老麦。整体ok总结，坐得舒舒服服，早晨正常价，无加一，侍应服务态度非好，环境卫生，绝对值得推介。