阿木台灣麵 (廣華街) (已結業)

#22052020疫情期间，无得去旅行…..好挂住台湾啲食物。今次揾左旺角一间食台湾菜既餐厅，过一过旅行瘾。𠮶日去既时候排排下队成条街停咗电，店员好好咁续个续个解释。因为都等咗一段时间，所以好肚饿，两个人嗌咗两个面两个小食同一杯饮品。 份量都几多，无论系牛肉牛筋定系面。佢啲牛好软，一咬就可以散开；面质烟韧有弹性；佢个汤底系台湾既味道啊~~~ 面质同样地烟韧有弹性。不过我个人唔系好食得辣，捞咗四分一已经顶唔顺。Btw 佢枱面放咗只麻辣酱，亦都可以另外买。 小香肠连埋啲蒜片食原来几夹 盐酥肉好酥脆，啲肉炸完都唔会干噌噌。 款款食物都好好食，但杯饮品呢就…..一般般啦。唔知系停电既关系定咩原因。杯野饮嚟到好似走咗冰咁，甜味又唔够鳯梨味又唔太有，系有少少茶味咁。