Yadllie Plate 야들리애플래이트 (兆萬中心)

最近忙冇时间出游，朋友倾偈话韩国炸鸡鱼板海鲜猪手冇得输，讲开都口水流，炸鸡香脆肉嫩多口味选择。朋友话试过兆万11楼有间近近地，约我去食聚下。原来呢间店系韩国2008年已经开业至今，过江龙装修食物都新派，环境舒服，适合闺蜜小情侣聚会，一排卡位街景。半半炸鸡 $208一次过两款味道 我个人钟意原味，朋友拣咗店长推介黄金蒜香炸鸡。热辣辣上枱，原味炸鸡一点也不油腻，皮炸得干脆同时保持肉嫩，新鲜质地紧密新鲜，有底味，至于蒜香带点辣但都好惹味，夹蒜片食特别更香。最惊喜竟然好多好多炸蕃薯条，甜甜香香比薯条有特色，钟意。海贼王的宝物$238实在唔叫唔得，有齐虾，鱼柳，洋葱圈，大大只八爪鱼添，样样都想食，酥脆鱼柳大大件鱼肉一梳梳，炸虾虾肉弹牙，洋葱圈基本嘢冇特别，反而只八爪鱼非常大只肉质Q弹又够味。烤牛肉水冷面 $128好清爽， 解解热气感，味道唔会好浓调得刚好，配埋烤牛肉萍果片秋葵辣椒萝卜片，另整碗冷面口感层次提升。甜品- 蜜瓜雪冰 $88蜜瓜粒配蜜瓜刨冰再加埋蜜瓜味雪条皮，靓嘅味道单一d d咁，我觉蜜瓜唔够甜。饮品选择多 soda $48 打卡必叫 又靓味道清爽。