喜點.鮮鍋粥底火鍋點心專門店 (已結業)

出面食海鮮通常貴夾唔飽。黎呢度打邊爐都係為左食海鮮😍有靚海鮮仲有火鍋放題。一坐低先送一個海鮮拼盤，按人頭一人一隻蟶子王，大峴，大過手掌咁滯的帶子，同上到碟仲不斷郁緊既鮑魚。真係好食同鮮甜都不得了。其他火鍋配料，每次可以叫8樣，雖然係任食，但肥牛質素高，花紋靚，肥瘦適中，無雪味。值得不斷添食🤤叫蟹柳食，竟然係大大條蟹棒出黎，仲有脆魚鯇都係相當高質。值得一試！基本上火鍋款式選擇都幾多下，點完又上菜算快。仲有3款自家煲飲品任飲。有竹庶芧根，桂圓蜜糖水同有機豆漿，相當有誠意。