津津-好金の味 (已搬遷) 新店位置

依间野知左好耐，但因为地理位置有d奇怪，我又唔系住个头，好难有机会食到。终于有机会去食，因为间野只做外卖，去到门口已经好多人排队，第一次买有d睇唔明个餐牌。但原来只系卖几样野，得重庆云吞=红油抄手，重庆凉面，重庆云吞面，外卖净云吞。所有野都系即嗌即做，所以至少预三个字等碗野，但系讲紧only等碗野，唔计排队wor！价钱仲好抵嫁，十二粒重庆云吞都系十七蚊，重庆云吞面先廿四蚊，豆浆都系七蚊支，大中小辣任拣。依个就系重庆凉面啦，正丫，左边细碗，右边大碗。好得，有少少酸辣粉感觉，但系指个汁酸，就唔系面酸，好惹味，仲要佢够冻！！依碗系廿蚊云吞啦，好红当当，系中辣，咪以为中辣好红好辣丫，其实都唔太辣，只系好香！！所以好多人都嗌大辣！讲真依d价钱同数量边到揾到！仲要即整嫁，云吞又睇住包，睇住煮。品质又咁very good，我觉得好过d连锁店嫁，味道唔商业化，云吞绝对皮薄！一次就上瘾，女仔其实细凉面加细云吞就饱晒，都系廿七蚊！