影片
更多
2020-09-24
1133 浏览
朋友有好消息宣布，所以带我食好嘢😋，原来系去尖沙咀H8嘅「The Captain's House 」，其实我想试好耐架喇！我之前食过湾仔嘅蟹先生，但都系后来先知佢哋系同一集团。今日可以试埋尖沙咀店。餐厅环境好开扬，因为楼层较高，望出去个景无咁压迫🌇，加上佢打通哂成间餐厅用膳嘅地方，无特别间箱房，好好善用两边嘅大窗，令到外面嘅光线能够浸透整个地方！朋友叫我唔驶客气，食乜都得🤣。佢都讲到咁，我无理由唔俾面嘅，嘻嘻。第一时间望下Shake Shake海鲜袋嘅餐牌先。热船长海鲜拼盘Hot Captain’s Seafood Platter系餐厅嘅招牌菜🌟，我相信嚟得嘅都会食，海鲜同酱汁均能自由组合，个人认为特别过冷嘅海鲜拼盘吧。收费分三段：$398(3种海鲜)、$558(5种海鲜)同$808(8种海鲜)。热拼盘个样好搞笑，系用一个大袋装住啲海鲜，店员会先放低畀我哋影相📸️，之后再喺我哋面前将个海鲜袋摇匀。当海鲜袋打开后，我哋就已经闻到阵阵香味。店员推介「卡姜蒜蓉汁Cajun Garlic Butter」，佢温馨提示酱汁有少少微，但就无姜味，因为卡姜其实系香料嚟！酱汁虽然系有激多蒜，偏重口味，但确
朋友有好消息宣布，所以带我食好嘢😋，原来系去尖沙咀H8嘅「The Captain's House 」，其实我想试好耐架喇！我之前食过湾仔嘅蟹先生，但都系后来先知佢哋系同一集团。今日可以试埋尖沙咀店。
餐厅环境好开扬，因为楼层较高，望出去个景无咁压迫🌇，加上佢打通哂成间餐厅用膳嘅地方，无特别间箱房，好好善用两边嘅大窗，令到外面嘅光线能够浸透整个地方！
朋友叫我唔驶客气，食乜都得🤣。佢都讲到咁，我无理由唔俾面嘅，嘻嘻。第一时间望下Shake Shake海鲜袋嘅餐牌先。
热船长海鲜拼盘Hot Captain’s Seafood Platter系餐厅嘅招牌菜🌟，我相信嚟得嘅都会食，海鲜同酱汁均能自由组合，个人认为特别过冷嘅海鲜拼盘吧。收费分三段：$398(3种海鲜)、$558(5种海鲜)同$808(8种海鲜)。
热拼盘个样好搞笑，系用一个大袋装住啲海鲜，店员会先放低畀我哋影相📸️，之后再喺我哋面前将个海鲜袋摇匀。
热船长海鲜拼盘
$398
14 浏览
0 赞好
0 留言
活蚬
12 浏览
0 赞好
0 留言
三款海鲜我哋要咗海虾🦐、活蚬同活青口，每款各有十只。餐厅几君真，会列出每款海鲜嘅份量，免却海鲜价嘅情况🙈。活蚬最正，又大只又好肉，就算酱料浓都食得出鲜味。青口都新鲜，但肉偏细粒，唔肥美。另外，虾就正常。
除咗海鲜外，热拼盘仲有少许伴菜，例如粟米🌽、薯仔🥔同猪肉肠，前者最好食。食哂个拼盘都已经饱饱地，因为过程需时。
餐厅会提供围裙仔、手套🧤同湿纸巾，所以落手食海鲜都唔驶怕污糟。
路易斯安那特色蟹饼Louisiana Crab Cake($98)，蟹饼又系餐厅另一名物，圆形厚厚一大件放咗喺铁板上。当蟹饼被切开后，我见到嘅就系满满嘅蟹丝🦀，食落好正，因为系真材实料，无混入其他食材。
虽然蟹饼系煎，但并唔油，配上蛋黄酱食好搭调。考虑到蟹饼其实都几大件，所以定价算几抵食😛。
黑松露野菌蝴蝶粉
$188
18 浏览
0 赞好
0 留言
装蝴蝶粉嘅碟唔算大，但食落发现份量正常。🍄黑松露忌廉酱汁超浓郁，由于无加入芝士，酱汁保持流质，唔会变得缠人或太漏。每粒蝴蝶粉都挂哂汁，本身又够弹牙，唔错。不过我认为呢道菜嘅定价稍贵，因为无乜𩠌；加上其他餐厅卖依个价钱嘅Pasta多数都系美国份量，够几个人食。
纽约芝士蛋糕
$78
31 浏览
0 赞好
0 留言
一般而言，纽约芝士蛋糕嘅口感都会比较厚实，就算好食但食多几啖已经会厌咗。但呢度嘅唔同，口感稍为绵啲，有少少似雪糕入口即化嘅效果，但芝士味并无因此而变淡🧀。最特别嘅地方系饼底变身为碎碎，混入咗喺蛋糕入面，食落几过瘾。
饮品方面，我哋要咗两杯用姜水Ginger Ale做Base嘅Mocktail($58)🍹：Peach on the Beach以及Tuscany Sun。前者绿色𠮶杯饮落清新啲，因为加咗薄荷叶同青柠；而后者黄色𠮶杯就甜啲。
我喺上面已经陈述唔少有关食材高质同食物味道出众嘅部份。除此之外，服务亦值得一赞👍，特别系女经理，佢好专业咁介绍菜式，过程中亦好贴心，担心阳光会唔会晒亲我哋呢。餐厅重视客人意见，仲会主动递上意见卡！
总括嚟讲，呢餐真系好开心，好满足啊😆，价钱系贵，但佢对得住个价钱。如果同朋友庆祝生日，我会选择帮衬呢度💯！
张贴
