丼吉日式吉列豬排專門店 (彩星集團大廈) (已結業)

Happy friday! 中午当然要出去食餐好 所以嚟咗公司附近呢间日本餐厅 个名永远都唔识读 就系记得有个吉字 其实我早半年已经帮衬过呢间餐厅 不过𠮶时印象中个餐牌剩系得吉列猪扒吸引 其他嘢都好似麻麻 所以帮衬过之后就冇冲动想去帮衬第二次 事关今次个同事话好想食 冇所谓嘅我当然一齐去今次嚟到 见到个餐牌多咗有吉列鳗鱼呢个选择 二话不说 唔使3秒钟就拣咗佢 另外嘅同事 都系拣吉列猪扒 等咗大概15 - 20分钟 我哋嘅午餐 纷纷上枱 呢个就系吉列鳗鱼饭 成个套餐入边有味精面豉汤 餐前小食味付螺肉 半碗仔白饭 椰菜 同埋主角 被分成四小块嘅吉列鳗鱼 白饭系用日本珍珠米 口感好之余 而且仲好香 以前嘅白饭系满一碗 依家只系跟得半碗 原因系佢嘅白饭系可以无限量添加 其实咁样仲好啦 之前成大碗白饭好多时都食唔晒 边相浪费 同样可以无限量添加嘅就系椰菜 就咁食你可能会觉得好寡 淡而无味 但加咗佢嘅柚子醋 即刻好食都可以fill 3转讲到块吉列鳗鱼 出边𠮶层薄薄嘅面包糠 完完全全包实晒成块鳗鱼 令到块鳗鱼系炸嘅途中 冇流失到佢本身嘅鱼油 食起身仲要超级松化 再配埋个沙律酱 真系肥10K都抵呀