影片
更多
2014-09-06
9578 浏览
4-9系女朋友生日，久闻AVA的玫瑰雪糕有令女性神魂颠倒之效，决意给女友一个惊喜！先讲环境，无错系有无敌海景，但系我同隔离枱只有一个身位，隔离对日本情侣讲咩我都完全听到，然后送礼物时候又要一齐送劲尴尬，如果唔系就仲尴尬。仲少不免会有礼物之间的比较，有少少分心都唔好啦，点解餐厅连呢少少野都关顾唔到？到食物，菜单除左set dinner外根本选择不多，一张纸的menu绝不吸引，唯有拣一人一个8个course的set。头盆先黎一个桌边烹调的烟熏慢煮海鲈伴牛油果沙律及芒果冻。好地地一块海鲈整到又咸又腥又硬，一d都唔鲜甜，烟熏味过浓，失败。芒果冻用现成芒果汁加鱼胶粉整成，好难食。然后到红虾带子海鲜汤。海鲜鲜甜，但系个汤一个字：「腥」明显系后期加海鲜分开煮。然后再到黑鱼子伴意大利饭。一黎到碟饭成碟肉饼咁已经麻麻地开胃，个饭同鱼子仲要完全唔match!再来一个自家制意粉。面质弹牙，味道真系唔好讲笑，飞机餐咁，无味！然后系一个杂菜沙律伴橙，就系菜同橙啰。之后同主菜牛柳。好食！肉味浓郁又juicy！只系个青瓜又系唔夹的。最后就系重头戏玫瑰雪糕！作为桌边项目，厨师就好似魔术师一样将液态氮气倒入奶浆，凝成雪
先讲环境，无错系有无敌海景，但系我同隔离枱只有一个身位，隔离对日本情侣讲咩我都完全听到，然后送礼物时候又要一齐送劲尴尬，如果唔系就仲尴尬。仲少不免会有礼物之间的比较，有少少分心都唔好啦，点解餐厅连呢少少野都关顾唔到？
到食物，
菜单除左set dinner外根本选择不多，一张纸的menu绝不吸引，唯有拣一人一个8个course的set。
头盆先黎一个桌边烹调的烟熏慢煮海鲈伴牛油果沙律及芒果冻。
好地地一块海鲈整到又咸又腥又硬，一d都唔鲜甜，烟熏味过浓，失败。
芒果冻用现成芒果汁加鱼胶粉整成，好难食。
然后到红虾带子海鲜汤。海鲜鲜甜，但系个汤一个字：「腥」明显系后期加海鲜分开煮。
然后再到黑鱼子伴意大利饭。一黎到碟饭成碟肉饼咁已经麻麻地开胃，个饭同鱼子仲要完全唔match!
再来一个自家制意粉。面质弹牙，味道真系唔好讲笑，飞机餐咁，无味！
然后系一个杂菜沙律伴橙，就系菜同橙啰。
之后同主菜牛柳。好食！肉味浓郁又juicy！只系个青瓜又系唔夹的。
最后就系重头戏玫瑰雪糕！作为桌边项目，厨师就好似魔术师一样将液态氮气倒入奶浆，凝成雪糕。
然后再将食用玫瑰花瓣片片洒落雪糕上。
整个过程看得我女友心花怒放，挽回不少分数！
题外话/补充资料：
后记：中间仲有个开心果配鹅肝酱，相都废事影。
另外由于得set嘅关系，隔离上乜我地又跟住上乜，连生日蛋糕都一样，真系无哂惊喜！
仲要成900蚊一个人！完全无安排！
(以上食记乃用户个人意见 , 并不代表OpenRice之观点。)
张贴
