瑞記咖啡

营业中

休息中

星期日梗系要食好西，慰劳下自己。唔知系咪未瞓醒游紧晕，睇错咗location，走咗去皇后街嘅街市熟食中心，怪唔之得一眼望晒都唔见瑞记啦 😐 去到正值下午茶时间，好彩仲有位 🤗 成间舖得两个伙计，一个煮嘢一个执台，做到踢晒脚咁，我哋哎极都无反应，又唔知驾步，系咪要自己走去落单㖞，唯有等 ..... 开头好嬲㗎，不过见佢落单嘅时候态度都好好，咁就算啦，都要体谅下人嘅。- 奶茶（$13）用樽仔装嘅奶茶好呃like lor 😎 雪到冻冰冰咁，心都凉晒。冻就够冻啦，不过我觉得茶味唔够，奶味又好淡，搞到成樽奶茶有啲失色。- 西多士（$23）识食就千祈唔好错过哩个西多，真系无得输，系我食过最好味嘅西多。平时食嘅西多系炸嘅，但佢应该系蘸咗啲蛋浆再去煎嘅。西多两边都煎到脆卜卜，仲好有蛋香味，蘸埋啲炼奶一齐食，好满足啊！下次我要「唔该西多多炼奶啊」 😋- 鲜牛面（$28）鲜牛面就系牛肉公仔面一碗，除咗牛肉骤眼睇似瘦肉，但咬落去一啲都唔韧之外，无乜特别，可以唔试。